منتديات التحاليل الطبية

أول موقع ومنتدى عربى ومصرى متخصص فى التحاليل الطبية
 
الرئيسيةالتسجيلدخول

شاطر | 
 

 لو رومانسى و بتفكر تعملها و تتجوز إنتظر .. و إحترس .. !!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رحاب فوزى
وسام التقدير للنشاط والتميز
وسام التقدير للنشاط والتميز
avatar

انثى عدد الرسائل : 323
العمر : 28
الوظيفة : student in faculty of science
المؤهل : scientific student
محل الاقامة : cairo
تقيم النشاط :
0 / 1000 / 100

الالتزام بالقوانيين :
100 / 100100 / 100

تاريخ التسجيل : 14/01/2008

مُساهمةموضوع: لو رومانسى و بتفكر تعملها و تتجوز إنتظر .. و إحترس .. !!!   الخميس 21 أغسطس - 2:20

على قطعة من الدانتيلا الرقيقة أحيا مع ذكرياتى "إخفاقات حبى" أحلام شبابى الكهل .. و نفسى و فعاليات حياتى و شريكة عمرى و رفيقة دربى .. التى شاء حظها العثر أن تعيش مع رجل مزاجى الطبع خيالى التوجه رومانسى النزعة .. إستدعيت طيف رفيقتى معى على قطعة الدانتيلا .. إحتضنا السحاب .. تداعبنا قطرات الندى .. فيما نسمات من عبير تتخلل هواءنا .. الذى يسير شراع قاربنا الحياتى الصغير فيمخر عباب بحر الحياة .. بين شطآن الآمال و الآلام و الأحلام المؤجلة .. أتنفس الحب و تحيينى المشاعر .. و نغمات فيروزية تتسلل إلى أعماقى .. شايف البحر شو كبير .. كبر البحر بحبك .. شايف السما شو بعيد .. بعد السما بحبك .. و فى اللحظة الفاصلة بين اليقظة و المنام رأيتنى أهوى من حالق و... طاخ (ده صوت خبطة دماغى فى صخرة) من الصخور إللى على شط البحر فى الإسكندرية عند كليوباترا .. و ما بين آهة الألم و آهة الدهشة و المفاجأة .. استفقت على صوت رفيقة دربى (أنظر أعلاه).. سيفون الحمام بينقط قوم شوف سباك و متنساش تحجز لهشام عند الدكتور .. سخن و بيكح طول الليل (هشام طبعا مش الدكتور) و روح المدرسة لهديل شوف بيشتكوا منها ليه . حتاكلوا إيه النهاردة؟ مبتسما نظرت لها..و مستكينا مسحت رأسى من أثر الخبطة .. و بمنتهى الحرص طبقت قطعة الدانتيلا و وضعتها على الرف الأعلى من دولاب ذاكرتى .. لحين إشعار آخر .. إرتديت ملابسى .. ذهبت إلى عملى .. مع الزملاء عرضت مشكلة السيفون .. تبرع أحدهم مشكورا (عنده خبرة بأعمال السباكة) أنا آجى أصلحهولك .. و حيث إن حبايبى كتير .. تبرع زميل آخر بالتوصيلة بسيارته .. يا عم سيبك من تنطيط السباكين .. دى حاجة بسيطة مش مستاهلة .. بعد ميعاد الإنصراف خرجنا .. عند الفرن البلدى توقفنا اشترينا عيش بلدى ..أبو شلن الرغيف .. و صلنا البيت .. إقتحمنا السيفون .. كانت معركة غير متكافئة إنتهت بلا نتيجة نهائية .. بعد الشكر و الشاى و العرفان .. إنصرف الزملاء .. و تحركت أنا على مدرسة هديل .. أستاذة الدراسات بتشتكى منها .. كثيرة الكلام و الأسئلة .. بس ذكية و مخها نضيف .. طبقا لهذا الإستدراك .. واضح ان المدرسة ترى أن الذكى أبو مخ نضيف .. المفروض مايكونش كثير الكلام و الأسئلة .. ماشى حقكم عليا .. حاحاول أفهمها .. و عايزين "عشرين جنيه" عشان ملف التقويم الشامل .. و خرجت من المدرسة الحديثة الخاصة .. و ذهبت لدكتور الأطفال .. حجزت كشف لهشام .. و رجعت على البيت .. لقيت على التسريحة رسالة من رفيقة دربى (راجع أول الكلام) أنا وديت هشام عند جدته .. جايز أتأخر فى الشغل النهاردة .. لو رجعت بدرى إبقى اعمل الرز باقى الأكل جاهز فى التلاجة .. مبتسما و مستكينا .. عايرت الرز كوباية و نص .. و غسلته و حمرت شوية شعرية فى معلقة سمن .. و حطيت كوباية و نص ميه بملح و بعدين حطيت الرز .. و لما إتشرب حطيت تحته شياطة و وطيت النار عليه ..و فى هذه اللحظة بالذات .. كانت المية إللى على العين التانية غليت .. صبيت كوباية الشاى و أخذت حبايتين كيتوفان .. أشعلت سيجارة و دوست على زرار PLAY فى الكاسيت .. كبر البحر و بعده كمان بحبك يا حبيبى يا حبيبى بحبك .. و من على الرف العلوى من دولاب ذاكرتى سحبت قطعة الدانتيلا .. و إستلقيت .. مع نفسى و ذكرياتى و أغمضت عينى .. و بين السحاب فيما قطرات الندى .. و نسمات العبير و .. إلخ.
منقووووووووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
El-SaYeD Hegazy
وسام التقدير للنشاط والتميز
وسام التقدير للنشاط والتميز
avatar

ذكر عدد الرسائل : 1285
العمر : 34
الوظيفة : We must do something for Islam
المؤهل : B.Sc. - Microbiology. Al-Azhar Uni. & pre-master cairo uni
محل الاقامة : الهرم
تقيم النشاط :
90 / 10090 / 100

الالتزام بالقوانيين :
100 / 100100 / 100

تاريخ التسجيل : 06/12/2007

مُساهمةموضوع: رد: لو رومانسى و بتفكر تعملها و تتجوز إنتظر .. و إحترس .. !!!   الأربعاء 3 يونيو - 5:58

ايه ده وليــــــــــــــــه كدة بس

يفكر



انا مش معاكي خالص ممكن اه دة يحصل بس مش هيكون علي طول مش هتكون الحياة كلها كدة وكل اللي اتقال دة ضروري في الحياة وعادي بس من غير ما ياثر علي الرومانسية اللي بينهم

بس فكرة جميلة وتصفيق حار لهذا الاختيار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.clear-as-crystal.spaces.live.com
عادل صبري
عضو
عضو


ذكر عدد الرسائل : 20
العمر : 38
الوظيفة : العمل بصيدلية خاصة
المؤهل : بكالوريوس علوم ميكروبيولوجي
محل الاقامة : كفر الشيخ
تقيم النشاط :
0 / 1000 / 100

الالتزام بالقوانيين :
100 / 100100 / 100

تاريخ التسجيل : 24/05/2009

مُساهمةموضوع: رد: لو رومانسى و بتفكر تعملها و تتجوز إنتظر .. و إحترس .. !!!   الأربعاء 3 يونيو - 16:51

اظن الحياة الزوجية احسن من كدة بكتير
قال تعالي (ومن اباتة ان خلق لكم من انفسكم ازواجا
لتسكنوا اليها وجعل بينكم مودة ورحمة ان في ذلك لايات لقوم
يعقلون)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل صبري
عضو
عضو


ذكر عدد الرسائل : 20
العمر : 38
الوظيفة : العمل بصيدلية خاصة
المؤهل : بكالوريوس علوم ميكروبيولوجي
محل الاقامة : كفر الشيخ
تقيم النشاط :
0 / 1000 / 100

الالتزام بالقوانيين :
100 / 100100 / 100

تاريخ التسجيل : 24/05/2009

مُساهمةموضوع: رد: لو رومانسى و بتفكر تعملها و تتجوز إنتظر .. و إحترس .. !!!   الأربعاء 3 يونيو - 16:53

اسف علي الخطأ ان في ذلك لايات لقوم يتفكرون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رحاب فوزى
وسام التقدير للنشاط والتميز
وسام التقدير للنشاط والتميز
avatar

انثى عدد الرسائل : 323
العمر : 28
الوظيفة : student in faculty of science
المؤهل : scientific student
محل الاقامة : cairo
تقيم النشاط :
0 / 1000 / 100

الالتزام بالقوانيين :
100 / 100100 / 100

تاريخ التسجيل : 14/01/2008

مُساهمةموضوع: رد: لو رومانسى و بتفكر تعملها و تتجوز إنتظر .. و إحترس .. !!!   الثلاثاء 13 أكتوبر - 4:45

ميرسى جدا على المرور الكريم دكتور سيد ودكتور عادل وعلى فكرة يا دكتور عادل جل من لايسهو وعلى فكرة كمان يا دكتور سيد فى ناس كتير مش عندها احساس بروح الحياه هما عايشين وبس فكونهم بينكدوا على نفسهم وعلى اللى معاهم ممكن ده ميلفتش نظرهم اصلا ولا يضايقهم خالص فانا اظن جدا ان ده موجود وبنسبه كبيرة كمان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لو رومانسى و بتفكر تعملها و تتجوز إنتظر .. و إحترس .. !!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات التحاليل الطبية :: الأقسام العامة :: منتدى المواضيع الترفيهية-
انتقل الى: