منتديات التحاليل الطبية

أول موقع ومنتدى عربى ومصرى متخصص فى التحاليل الطبية
 
الرئيسيةالتسجيلدخول

شاطر | 
 

 يا أهلاً بالمعارك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
د. محمد عزت صابر
عضو فعال
عضو فعال
avatar

ذكر عدد الرسائل : 762
العمر : 33
الوظيفة : اخصائى تحليل طبية
المؤهل : Master in microbiology &deplome in biochmistry
محل الاقامة : المنصورة
تقيم النشاط :
0 / 1000 / 100

الالتزام بالقوانيين :
0 / 1000 / 100

تاريخ التسجيل : 17/01/2008

مُساهمةموضوع: يا أهلاً بالمعارك   الإثنين 17 مارس - 15:11

للشاعر صلاح جاهين

يا أهلاً بالمعارك
يا بخت مين يشارك
بنارها نستبارك
و نطلع منصورين
ملايين الشعب تدق الكعب
تقول كلنا جاهزين
يا أهلاً بالمعارك
خارج ساعة الصُبحية
و الناس رايحين جايين
نظرتهم فكرتني
بايام سته و خمسين
راجع في المغربية
شفت عيون الثوار
نظرتهم فكرتني
بالضباط الأحرار
شفت اجتماع سياسي
كلماته نغم حماسي
و لا فيش على قده كراسي
من كتر ما فيه ملايين
ملايين الشعب تدق الكعب
تقول كلنا جاهزيين
يا أهلاً بالمعارك

***
و في لحظة نطل و يهدا الكل
و نسمع فرحانين
عبد الناصر حبيبنا
قايم بينا يخاطبنا
نجاوبه و يجاوبنا قائد و مجندين
قول ما بدالك احنا رجالك
و دراعك اليمين
عبد الناصر يقول
الله أكبر و يوم الأزهر في وجداني
يا شعب قومنا لقهر الصعب من تاني
وعود معنديش مفيش
الا النضال عندي
و شقا و معارك مريره كتير يا أخواني
أطلب تلاقي تلاتين مليون فدائي
في جميع الميادين
عبد الناصر يقول
على كل باب في الميثاق مصباح يهدينا
يشوف جهادنا العظيم على فين مودينا
للأفراح يا ناصر
و للرفاهية يا ناصر
للأفراح و الرفاهية حنمد طريق ع النيل
إسمه في الأشتراكية التصنيع التقيل
بس نضاعف انتاجنا أضعاف أضعاف
و نفكر مهما احتاجنا و نحارب الإسراف
و بقرش الإدخار نتحدى الإستعمار
و نقيم جدار جبار يحمي حياة العاملين
آدي نقطه بنقطه جميع الخطه
و بالله نستعين
يا أهلاً بالمعارك

***

خطتنا خلاص في إيدينا و خلاص متشمرين

و حزين ياللي تعاندنا بتعاند جبارين

جبل الجرانيت انشق اتشال

و في بحر النيل اتزق أمال

ما في حاجة تقولنا لأ إيش حال

يوم تحريرنا فلسطين

و التوبة التوبة التوبة

نصبر على غدارين

وحياة الدم الغالي

وحياة عرق الجبين

توبة ماعاد فيها مجاملة خلاص

و لا عاد م الثورة الشاملة ملاص

يا إيدينا العاملة ازرعي اخلاص

واحصدي و الرب يعين

احصدي و إنقضدي

اكشفي و ارفضي

خاينين و إنتهازيين

هنشق طريقنا بنور مبادئنا

و لنا النصر المبين

يا أهلاً بالمعارك

***

يا بحر الثورة يا هادر

خلي هديرك بنظام

من صوت المكن الداير

عين العدو مش هتنام

و إنت يا شبابنا إتقدم

جه دورك في التاريخ

بإيديك لازم تتقدم

مصر في عهد الصواريخ

و شبابنا نهض يا حبايب

قال جه دوري مانيش غايب

يسلملي الشعر الشايب

و الناس المخلصين

للمخلصين ألف سلام

الإشتراكين ألف سلام

الحقيقين ألف سلام

لجمال و أخوانه ألف سلام

يحيا لأوطانه ألف سلام

و أنا و إنت و هو

في خير و سلام

ألف سلام ألف سلام

و سلام مننا لمنى قلبنا

للوحدة الكبرى

و نعيش و نضالنا يحقق بالنا

و نكون كلنا جاهزين

يا أهلاً بالمعارك

يا بخت مين يشارك

بنارها نستبارك

و نطلع منصورين

ملايين الشعب تدق الكعب

تقول كلنا جاهزين

يا اهلاً بالمعارك

**
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mays
عضو نشيط
عضو نشيط
avatar

انثى عدد الرسائل : 422
العمر : 33
الوظيفة : معيدة جامعية
المؤهل : بكالوريوس علوم بايولوجي {احياء مجهرية }
محل الاقامة : العراق
تقيم النشاط :
0 / 1000 / 100

الالتزام بالقوانيين :
100 / 100100 / 100

تاريخ التسجيل : 06/01/2008

مُساهمةموضوع: رد: يا أهلاً بالمعارك   الخميس 27 مارس - 16:55

شكرا
وفقك الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د. محمد عزت صابر
عضو فعال
عضو فعال
avatar

ذكر عدد الرسائل : 762
العمر : 33
الوظيفة : اخصائى تحليل طبية
المؤهل : Master in microbiology &deplome in biochmistry
محل الاقامة : المنصورة
تقيم النشاط :
0 / 1000 / 100

الالتزام بالقوانيين :
0 / 1000 / 100

تاريخ التسجيل : 17/01/2008

مُساهمةموضوع: رد: يا أهلاً بالمعارك   الجمعة 28 مارس - 16:05

جزاك الله كل خير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يا أهلاً بالمعارك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات التحاليل الطبية :: الأقسام العامة :: منتدى الشعر والأدب-
انتقل الى: