منتديات التحاليل الطبية

أول موقع ومنتدى عربى ومصرى متخصص فى التحاليل الطبية
 
الرئيسيةالتسجيلدخول

شاطر | 
 

 في شفوي الكيميا .. كانت لنا أيام (ميكانيزمات)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Biochemist

العضو المؤسس

ذكر عدد الرسائل : 684
العمر : 38
الوظيفة : As. Lect.
المؤهل : Msc and diploma in clinical biochemistry and diploma in medical microbiology
محل الاقامة : Egypt-cairo
تقيم النشاط :
97 / 10097 / 100

الالتزام بالقوانيين :
100 / 100100 / 100

تاريخ التسجيل : 18/09/2007

مُساهمةموضوع: في شفوي الكيميا .. كانت لنا أيام (ميكانيزمات)   الجمعة 28 ديسمبر - 0:22

السلام عليكم جميعا
هذا موضوع للدكتور ميكانيزم
ميكانيزم – امينولوجي مخضرم وهو شرف لا يدعيه
وتفتكروا ايه الفرق بين برج بيزا وحالنا ؟ / الحشاش الأعظم

هييه ...

افتكرت مرة أحد يومياتي في امتحان شفوي ...
قلت أفضفض معاكوا ....
فعلا ...
****************************** ****************************** *****
كنت رايح امتحن تحليلية ... وعن نفسي طالب موس ثلاثي الشفرات ... حرييييت ... نحاااااااات... ممكن تقول كدة دودة كتب .... المهم ...
أمام لجنة الشفوي .. كانت تعلو على وجهي ابتسامة صفراء ... زي دي


شأن أي طالب مجتهد يحضر المحاضرات ... ويذاكر أول بأول ...

وأنا انظر الى
الآخرين – الغلابة – في اشفاق ... واتوق لملاقاة الدكتور باسرع وقت لأني
كنت أنتوي أن أبهدله من غزير المعلومات ... وتدفق الإجابات ... وتخيلت
منظر المسكين وهو يخرج منديله في محاوله لمنع العرق المتصبب على جبينه من
النزول ... من فرط الإجابات الدقيقة ...


****************************** ****************************** ******
خرج أول واحد من اللجنة ...
واتلمت عليه باقي اللجنة زي ما بيتلم الدبان ع الزبالة ... آسف ... أقصد زي لما بيتلم الفراش ع الزهور ... !!
أما أنا فكنت مكبر ... ولا ف دماغي ... حاجة آخر روشنة !! ...

شأن أي طالب مجتهد يحضر المحاضرات ... ويذاكر أول بأول ...


وقعدوا يهزوا فيه ... انه ينطق ؟
وعمنا ولا حس ولاخبر ...
- هيه ياعم ... ولاااا الدكتور اللي جوا ده ... نظامه ايه ؟
وعمنا لا حس ولا خبر
- طيب اسئلته سهله ... ودرجاته كويسة ؟
ولا حس ولا خبر
خرج التاني ... نفس الكلام ...
كل ده وأنا لم تهتز في شعرة واحدة ... ولا أنا هنا .... وده طبعا ...

شأن أي طالب مجتهد يحضر المحاضرات ... ويذاكر أول بأول ...


جه دوري ... وفي ثقة دخلت ...
****************************** ****************************** ******
قعدت قدام الدكتور ... وبص لي من فوق لتحت ... وبدأت المعركة ...
الدكتور: أسمك ايه ياحبيبي؟
العبد لله (بثقة) : ميكانيزم أوف أكشن آند باث واي !!
طبعا قلت له على اسمي الحقيقي ... مش اسمي اللي في المنتدى ... المهم

الدكتور: مذاكر كويس ؟
ميكانيزم : آه الحمد لله يا دكتور ...

شأن أي طالب مجتهد يحضر المحاضرات ... ويذاكر أول بأول ...


الدكتور: أكيد ولا زي اللي قبلك ؟
ميكانيزم : اتفضل يا دكتور ... ممكن تسأل في أي جزئية م المنهج !!

شأن أي طالب مجتهد يحضر المحاضرات ... ويذاكر أول بأول ....


الباشمهندس: ايه رأيك في جيفارا؟
ميكانيزم ( ببلاهه)
: هه .. يا نهار اسود ... احنا فينا من سياسة ... هنا تذكرت على الفور
الدعابة اللي بتقول ... "إن جيفارا لم يمت .. فكلنا جيفارا!!" ... المهم
... قلت له هو كويس وبصراحة فيه مميزات وعيوب أي واحد تاني !!


المعلم (منهمكا في كتابة ملاحظة ما) : آه .. ايه الفرق بين البوليتوريا والمازوخية؟
ميكانيزم ( وقد بدأت الحياه تصطبغ بلون كحلي غامق) ... يادي المصيبة السودة ... مطيت شفتي ببلاهة ... وقلت بغباء :
هه ... ملوخية؟ ...
ورحت في سري ألعن علماء الكيمياء التحليلية الذين يدخلون ألفاظا ومصطلحات عسيرة الفهم على العامة والبسطاء أمثالي ...

الأسطى ( وهو يعدل من نظارته .. ويكتب في ورقة أمامه باهتمام) : نعم يا حبيبي ... احنا ح نهزر ... السؤال واضح ... عارف جاوب ...
ميكانيزم ( وقد
اصطبغت الحياة بلون رمادي غامق) : لا يا دكتور ...العفو ... بس واضح ان
الجزء ده من المحاضرة الأخيرة ... وأنا بصراحة محضرتهاش ...!!


الحاج ( وهو يسأل في
انتشاء بعد أن وجد ضالته) : طيب .. طيب ... أنا ح أسألك في حاجات م الحبة
الأوائل ... بس ياريت ما تقوليش زي الطلبة الخايبة .. اننا مخدنهاش ...
ولسان حاله يقول :" ده احنا ننيتنا فن !!"

ميكانيزم : لا يادكتور ... اتفضل اسأل ... المعلومات كلها في دماغي ...

شأن أي طالب مجتهد يحضر المحاضرات ... ويذاكر أول بأول ....

****************************** ****************************** ******
الباشا (وقد ظهرت على سحنته ملامح العبقرية المطلقة): ايه معلوماتك عن الإمبريالية التوسعية ... وهل ده بيأثر على حق الجوار؟
ميكانيزم (وقد صارت
الحياة فعلا بلون الجزمة القديمة وكأنك سبتها في البلكونة لمدة سنتين): هه
... امبر ... مبر... امبرلانية ؟ ... يا دكتور من فضلك ... أنا مع تبسيط
العلوم ... والجزء ده ما اتشرحش في المحاضرة كده .... لكن كان باسلوب ابسط
.... ولو كنت حضرتك فاكر ان الهدف م الشفوي هو انكو تعقدوا عيشة الطالب
... تبقى أنت في مشكلة !


هنا صاح الدكتور ولسان حاله يقول :"ما ابدعك!"

طيب خلاص يابني ... خلينا في البسيط ... ونبعد عن التعقيد ...
العبقري : مين مؤسس الرايخ التالت ؟ وايه اللي تعرفه عن الرايخشتاج الأعظم؟
ميكانيزم (في نفسه)
يادي الشورة الهباب ...يا وقعتك الطين يا ميكانيزم : دكتور على فكرة ....
الدكتور اتكلم عن أول 2 بس وقال ان التالت مش مهم ... كمان الشابتر ده
حذفه كله ... لأنه قال انه ملهوش أبليكيشن !!


البعيد (وقد وصل الى حالة النيرفانا من يومين) : طيب قول كتابين كتبهم تشارلز ديكنز ؟
ميكانيزم (في نفسه) ... : أخيييييييييييرا ... سؤال م المحاضرات ... الحمد لله ... أجاوب بقى بمزاج ...
هنا صحت في مزيج من التمكن والإقتدار:
كتاب : مدخل لعلم
الكيمياء التحليلية / الواقع والوهم ... وده طبعة 2005 ولسه نازل جديد لأن
شفته في معرض القاهرة في الصيف اللي فات ...

وفيه كتاب تاني كان
الدكتور قال عليه برضه في المحاضرة : الخلاصة النهائية في الكيمياء
التحليلية ... وده يا دكتور جزئين ... طبعة فاخرة !!


الدكتور أخيرا (ويبدو
أنه قد أعجب من العبقرية الفذه) : بصراحة يا بني ... أنا شفت كتير وقليل
... لكن لسه مشفتش حد وصل للمرحلة دي ...

ميكانيزم (في فخر) : العفو ... يا دكتور ... هذا المستوى لم أصل اليه إلا بالمواظبة ... ومداومة البحث والقراءة والإطلاع ...

الدكتور: طيب يا بني ... اتفضل تقدر تروح ...
ميكانيزم : آه على
فكرة يادكتور ... الجزء بتاع جيفارا ... كان على دفعة السنة اللي فاتت بس
... عشان كده مركزتش عليه في المراجعة...!!


الدكتور: طيب ... طيب يا بني ... لا حول ولا قوة إلا بالله ... مع السلامة ...

النهاية : تفتكروا ... ليه مخدتش البكالوريوس لدلوقتي!!!


شأن أي طالب مجتهد يحضر المحاضرات ... ويذاكر أول بأول ....





_________________

منتديات التحاليل الطبيـــــة
إدارة المنتــــــــــــــدى
.....................



*******************

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: في شفوي الكيميا .. كانت لنا أيام (ميكانيزمات)   السبت 29 ديسمبر - 1:12

برافوووووووووووووووووووا دكتور ميكانزم

طبعا برافوا على المجهود الرائع فى سرد الاحداث وطريقة الحوار

مش على االمواضبة

شأن أي طالب مجتهد يحضر المحاضرات ... ويذاكر أول بأول ....هههههههههههه

قصة هايلة فعلا

الله يكون فى عون الطلبة الغلابة
الرجوع الى أعلى الصفحة اذهب الى الأسفل
Yota
عضو
عضو
avatar

انثى عدد الرسائل : 66
العمر : 30
الوظيفة : طالبة علوم ميكروبيولوجى الفرقة الرابعة
المؤهل : waiting baccalaureate
محل الاقامة : Cairo
تقيم النشاط :
0 / 1000 / 100

الالتزام بالقوانيين :
0 / 1000 / 100

تاريخ التسجيل : 22/09/2007

مُساهمةموضوع: رد: في شفوي الكيميا .. كانت لنا أيام (ميكانيزمات)   الخميس 3 يناير - 21:12

ههههههههههههههههههههههههههههههههههههههههههههههههههههههههه

والله موضوع روعة جداااااااا

تسلم ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
د احمد صالح
وسام التقدير للنشاط والتميز
وسام التقدير للنشاط والتميز


ذكر عدد الرسائل : 127
العمر : 33
الوظيفة : اخصائي تحاليل طبية
المؤهل : بكالوريوس علوم (دبلومة ك حيوي)
محل الاقامة : حوش عيسي البحيرة
تقيم النشاط :
0 / 1000 / 100

الالتزام بالقوانيين :
100 / 100100 / 100

تاريخ التسجيل : 26/09/2007

مُساهمةموضوع: رد: في شفوي الكيميا .. كانت لنا أيام (ميكانيزمات)   الأحد 6 يناير - 8:55

الحمد لله ---------
انا كنت زي الطلبة التانيين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: في شفوي الكيميا .. كانت لنا أيام (ميكانيزمات)   الجمعة 18 يناير - 19:12

ههههههههههههههههههههههههههههههههههههههههههههه زيك زى اى طالب بيحضر المحاضرات من اول السنه ربنا يوفقك
الرجوع الى أعلى الصفحة اذهب الى الأسفل
aly 0mer
وسام التقدير للنشاط والتميز
وسام التقدير للنشاط والتميز
avatar

ذكر عدد الرسائل : 544
العمر : 34
الوظيفة : عالم كيميائي بالادارة المركزية للمعامل بوزارة الصحه المصرية
المؤهل : دبلومة كيمياء حيوية وتحليلية
محل الاقامة : القاهرة
تقيم النشاط :
80 / 10080 / 100

الالتزام بالقوانيين :
100 / 100100 / 100

تاريخ التسجيل : 13/01/2008

مُساهمةموضوع: رد: في شفوي الكيميا .. كانت لنا أيام (ميكانيزمات)   الأربعاء 27 فبراير - 14:38

:ضحكة:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
asmaa bakr
عضو
عضو
avatar

انثى عدد الرسائل : 77
الوظيفة : ؟؟؟؟؟؟؟؟؟؟؟؟؟؟؟؟؟
المؤهل : بكالوريوس علوم
محل الاقامة : الاسماعيليه
تقيم النشاط :
0 / 1000 / 100

الالتزام بالقوانيين :
0 / 1000 / 100

تاريخ التسجيل : 11/02/2008

مُساهمةموضوع: رد: في شفوي الكيميا .. كانت لنا أيام (ميكانيزمات)   الأربعاء 27 فبراير - 14:57

السلام عليكم
بجد الموضوع تم عرضه بصوره جميله وشيقه
شكرا ليك
السلام عليكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
في شفوي الكيميا .. كانت لنا أيام (ميكانيزمات)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات التحاليل الطبية :: الأقسام العامة :: منتدى المواضيع الترفيهية-
انتقل الى: